என் கணவரின் தம்பி எங்களுடன் இருக்க முடியும் என்றால், ஏன் என் தங்கையாள் எங்களுடன் இருக்க முடியாது?

மீது மற்றும் சுதீப்புடன் ஜோதி தங்கியிருப்பது சந்தோஷமாக இருந்தது. மீதுவின்  தங்கை அவர்களுடன் தங்கியிருந்ததில் மிகவும் மகிழ்ச்சியடைந்தனர். சில நாட்களுக்குள், ஜோதி அங்கு தங்கியிருப்பதில் சிக்கல்கள் வந்தன.

Original in English 

படித்த, தாராள மனப்பான்மை கொண்ட குடும்பம். அவர்களுக்கு தங்கள் மகள்களுக்கு திருமணம் செய்து கொடுப்பதில்  அவசரமில்லை. ஆனால் விரைவில் அவர்கள் மீதுவுக்கு ஒரு நல்ல வரனை கண்டனர். மீது மற்றும் சுதீப் இருவரும் ஒருவரை ஒருவர் விரும்பினர். தங்களுக்கு வாழ்க்கையிலிருந்து என்ன வேண்டும் என்பதில் ஒரே கருத்துகள் இருப்பதைக் கண்டறிந்து, திருமணத்திற்கு ஒப்புக்கொண்டனர்.

சுதீப்பின் பெற்றோர் மற்றும் இரண்டு இளைய சகோதரர்கள் கமல் மற்றும் தருண் ஆகியோரும் மீடூவின் குடும்பமும் அதே ஊரில் வசித்து வந்தனர். சுதீப் வேலை காரணமாக கடந்த ஒரு வருடமாக மும்பையில் வசித்து வந்தான். மீது தனது கணவருடன் எங்கும் செல்ல மனதளவில் தயாராக இருந்தாள். எனவே மும்பைக்கு செல்வதில் அவளுக்கு எந்த பிரச்சனையும் இல்லை. ஒரு மாதத்தில் திருமணம் நடந்தது. சுமார் 15 நாட்களில் இருவரும் மும்பைக்கு புறப்பட்டனர். இருவரும் ஒன்றாக மிகவும் மகிழ்ச்சியாக இருந்தனர்.

அவர்களின் திருமணத்திற்கு ஒரு வருடம் கழித்து மீதுவின் தங்கை ஜோதிக்கு மும்பையில் வேலை கிடைத்தது. குறிப்பாக மீதுவும் சுதீப்பும் இருந்ததால், ஜோதி மும்பைக்குச் செல்வதில் அவளுடைய பெற்றோர்கள் தைரியமாக இருந்தனர். மேலும் அவள் குடும்பத்துடன் இருப்பது நல்லது என்று அவர்கள் கருதினர். மீதுவும் சுதீப்பும் தங்களுடன் ஜோதி தங்கியிருந்ததில் மிகவும் மகிழ்ச்சியடைந்தனர். சில நாட்களுக்குள், ஜோதி வேலைக்குச் சேர்ந்து தனது அக்காவுடன் இருக்கத் தொடங்கினாள்.

ஜோதி ஒரு புத்திசாலி பெண். அவள் விரைவில் வேலையில் குடியேறினாள். மேலும் மும்பையின் வெவ்வேறு கலாச்சாரத்தில் அவரது அக்கா மற்றும் மாமாவின் உதவியுடன் தெரிந்துகொண்டாள். அவர் வீட்டு வேலைகளிலும் உதவுவாள். மேலும் குடும்பத்தின் ஒரு பகுதியாக வீட்டு செலவுகளில் தனது பங்கிற்கு பங்களித்தாள்.

ஐந்து மாதங்களுக்குப் பிறகு, சுதீப்பின் தாய் காந்தா தனது மகன் மற்றும் மருமகள் வீட்டில் தங்க வந்தாள். அவள் ஜோதியுடன் நன்றாகப் பழகினாள், ஆனால் சிறிது நேரம் கழித்து, அவள் வித்தியாசமாக யோசிக்க ஆரம்பித்தாள். ஜோதியின் அக்காவின் குடும்பத்தில் இவ்வளவு காலம் தங்கியிருப்பது அவளை வெகுவாக பாதிக்க தொடங்கியது. மெதுவாக, ஜோதியிடம் அவள் நடத்தை மாறத் தொடங்கியது. ஆரம்பத்தில், யாரும் எதையும் உணரவில்லை. ஆனால் படிப்படியாக விஷயங்கள் தெளிவாகத் தெரிய ஆரம்பித்தன. ஜோதிக்கு ஏதோ விஷயம் என்று தெரிய ஆரம்பித்தது. இருப்பினும் அது என்னவென்று அவளால் புரிந்து கொள்ள முடியவில்லை.

ஒரு நாள் மீதுவின் மாமியார் காந்தாவால் அவளைப் பற்றி குறிப்பிடாமல் இருக்க முடியவில்லை. “ஜோதி தன் சகோதரி வீட்டில இவ்வளவு காலம் தங்கியிருக்குறது சரில.”

மீது சற்றே ஆச்சரியப்பட்டாள். ஆனால் அவள் கேட்டாள், “ஏன் அம்மா? அவள் என் தங்கை, மும்பையில் எங்களை விட குடும்பம் என்று யாரும் இல்லை. நாங்கள் அவளை கவனித்துக் கொள்ளாவிட்டால், யார் செய்வார்கள்?”

அதற்கு காந்தா கூறினாள், “ஆனா அவ ஒரு பெண், ஒரு இளம் பெண், அதுவும் திருமணமாகாதவ.”

இதைக் கேட்டதும், மீதுவின் கோபம் உயர்ந்தது. ” அம்மா, அப்போ, கமல் அல்லது தருண் எப்போதாவது ஏதாவது வேலைக்காக நாளை மும்பைக்கு வந்தா, அவங்களும் எங்களோட இருக்க முடியாது. ஏன்னா அவங்களும் கல்யாணம் ஆகாத இளங்கலை,” என்று அவள் கூறினாள்.

இதைக் கேட்ட காந்தா கோபத்தில் மூழ்கி, தனக்குத்தானே முணுமுணுத்துக் கொண்டு சென்றார்.

அன்று ஜோதி கொஞ்சம் சீக்கிரமே வீட்டிற்கு வந்தாள். அதனால் அவள் மீட்டூவுக்கும் காந்தாவுக்கும் இடையே நடந்த வாக்குவாதத்தை கேட்க முற்பட்டாள். மீதுவின் மாமியாரின் நடத்தை ஏன் அவளிடம் மாறியது என்று ஜோதிக்கு புரிந்தது. அவள் தன் சகோதரியின் வீட்டிற்கு அருகில் சுதந்திரமாக வேறு எங்காவது சீக்கிரம் வீடு மாற வேண்டும் என்று யாருக்கும் தெரிவிக்காமல் முடிவு செய்தாள். அதன்படி, அவள் உடன் பணியாற்றும் ஒரு தோழியுடன் தங்குவதற்கான ஏற்பாடுகளைச் செய்து, சீக்கிரம் வெளியேறினாள்.

இது ஒரு உண்மை கதை.

இப்போது எழும் கேள்விகள் –

ஒரு மகள் திருமணமானவுடன், அவளுடைய குடும்பத்தின் மீதான அவளுடைய பொறுப்பு முடிவடைகிறதா?

அவளுடைய குடும்பத்தின் மீது அவளுக்கு எந்த உரிமையும் இல்லையா? அவளுடைய குடும்ப உறுப்பினர்களுக்கு அவள் மீது எந்த உரிமையும் இல்லையா? கணவனின் குடும்பம் இப்போது அவளுடைய ஒரே குடும்பமாகிவிட்டதா?

ஒரு பெண் தன் சகோதரியுடன் வசிக்கக்கூடாது என்றால், ஒரு ஆணின் சகோதரனுக்கு ஏன் தன் சகோதரனுடன் வாழ உரிமை இருக்க வேண்டும்?

திருமணத்தின் அனைத்துப் பொறுப்புகளையும் பெண் மற்றும் ஆண் இருவருக்கும் ஏன் கொடுக்க முடியாது? அதேபோல் குடும்பத்தின் இரு தரப்பினரின் பொறுப்பையும் அவர்கள் மீது ஏன் சுமத்த முடியாது?

ஒரு பெண் தன் மாமியாரை கவனித்துக் கொள்ள சொல்லிக் கொடுக்கப்பட்டால், ஒரு ஆணுக்கும் ஏன் சொல்லித்தரவில்லை?

மேலும், ஒரு ஆண் தனது பொறுப்பை நிறைவேற்றத் தொடங்கினால், அவன் ஏன் இப்படி தடுக்கப்படுகிறான்?

இங்கு மாற வேண்டிய அவசியம் இல்லையா?

உங்கள் பதிலுக்காக காத்திருப்பேன்…

பட ஆதாரம்: Pinki ki Shaadi, YouTube என்ற குறும்படத்திலிருந்து ஒரு ஸ்டில்